Se under for stillingsutlysning på norsk
Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi.
 
Vuosttaškonsuleanta - Ráđđeaddi 
Virggi birra
Sámedikkis lea rabas virgi seniorkonsuleantan/ráđđeaddin (HR-bargi) Sámedikkis. HR-bargin šattat don oassin Sámedikki HR ja digitála nuppástuhttima ossodahkii. Sekšuvnnas leat 10 bargi oktan jođiheddjiin, ja kultuvrra mihtilmasvuohta lea buorre oahppankultuvra ja oadjebas bargobiras. Virgi gullá lea HR-suorgái, gos eanas oassi bargguin leat operatiiva barggut ja bálkábarggut. Mii ohcat dál du gii lea áŋgirušat ovdánahttit HR suorggi, geas lea alla čađahannávccat ja gii leat čoavddusáŋgirušši. Don fertet liikot bargat olbmuiguin ja oaidnit ahte min bargit leat dat mávssoleamos resursa mii mis lea olahit min strategalaš mihttomeriid ja višuvnna.
Stuorra oassi virggi bargguin gullet operatiiva HR:i, ja don sáhtát áinnas leat áiddo geargan bachelorgrádain ekonomiija- ja hálddahussuorggis dahje HR/HRM:s. Jus dus lea oahppu eará relevánta surggiin, de soaitá leat ahte don heivet bures ohccin virgái.
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.
Sámedikki bargit fertejit rehkenastit veahá mátkkoštit.
 
Barggut
HR-bargin leat dus čuovvovaš barggut:  • Bálkáhálddašeapmi 
• Hálddašit DFØ Tid 
• Koordineret oktavuođaváldimiid HR:i 
• Veahkehit ráhkadit oahppomodulaid DFØ HR:s
• Leat onboardingkoordináhtor DFØ HR:s
• Koordineret ruovttokánturortnega 
• Meannudit dihtorčalbmeláseohcamiid 
• Čállit duođaštusaid bargiide 

 
Eará barggut: • Leat veahkkin juhkosa fágačoahkkimiin 
• Buoridanprošeavttat ja ođđa it vuogádagaid atnui váldin.  
• Mielbargiiskkadeamit 
• Gelbbolašvuođakárten 
• Eará barggut juhkosis 

 
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
 
Gelbbolašvuohta
Don fertet:  • Leat váldán ekonomiija ja hálddašeami dahje HR/HRM bachelorgráda. Eará guoskevaš fágasuorggit sáhttet árvvoštallot. 
• Čálalaččat ja njálmmálaččat máhttit ovdanbuktit dárogillii
• Dovdat digitála neavvuid dego Microsoft   
• Dovdat sámi servodatdilliid 

 
Lea ovdamunni jus don: • Máhtát Sámegiela 
• Dovddat stáhta lágaid ja šiehtadusaid   
• Dovddat HR-vuogádagaid 
• Dovddat arkiivavuogádagaid 
• Dovddat almmolaš hálddašeami 

 
Persovnnalaš iešvuođat 
Mii ohcat bargi gii hálddaša iešjođiheami bures ja bargá iešheanalaččat, gii nákce váldit ovddasvástádusa iežas bargobeaivvis ja buktit bohtosiid. Don leat bálvalusberošteaddji ja deaivvadat iežat bargoskihpáriiguin buorredáhtolaš ja čoavddusáŋgirušši guottuiguin. Rolla gáibida njuovžilisvuođa, ja fertet máhttit heivehit iežat iešguđetlágan bargguide ja bargobeaivvi rievdadusaide. Mii atnit árvvus alla čađahannávcca, ja ohcat du gii barggat ulbmillaččat ja fuolahat ahte barggut čađahuvvojit kvalitehtain ja áigemeriid siskkobealde. Dasa lassin leat buorre ovttasbargodáidu dehálaš - don liikot bargat joavkkus, juogadat máhtu ja leat mielde ovddideamen positiiva ja fátmmasteaddji bargobirrasa.
 
Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá. Bargoaddi galgá láhčit dili nu ahte ođđa bargi sáhttá čađahit sámegieloahpu ovdalgo guokte jagi leat vássán virgádeami rájes.
 
Ohcanáigemearri 17.12.2025 
 
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
 
Min luhtte oaččut• Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii.
• Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa.
• Nuvttá mánáidgárdesadji Finnmárkkus ja Davvi-Romssas 
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis
• Gelbbolašvuođaloktema sámegielas ja kulturipmárdusas

 
Máŋggabealatvuohta Sámedikkis
Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. 
Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis.
Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái.
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1408 Vuosttaškonsuleanta man bálkáceahkki 485 000 ru jagis ja 635 000 r.u jagis, dahje ahje 1434 Ráđđeaddi gaskkal 600 000 ru. jahkái gitta 750 000 ru. jahkái.l. Bálká mearriduvvo ohcci bargohárjáneami ja gelbbolašvuođa vuođul. Virgádeapmi dahkkojuvvo gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
 
Ná ozat virgái min lusa
Orru go virgi miellagiddevaš ja háliidat go ohcat? Jus galggat registrerejuvvot siskkaldas ohccin, de fertet sáddet ohcama DFØ HR bokte. DFØ HR siidduid listtus gávnnat “Karrierer” nammasaš siiddu, gosa buot siskkaldas virgealmmuheamit biddjojuvvet, ja gos don maiddái sáddet ohcama. Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no). Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.
 
Ohcciidlistu
Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohcciidlisttus. Ohcciidlisttu beassá geahččat go jearrá.
 
Oktavuohta
Eanet dieđuid virggi birra oaččut go válddát oktavuođa: Ossodathoavddain Tommy Somby tlf. +47 95 81 11 21 tommy.somby@samediggi.no dahje sadjádaš Juogusjođiheddjiin Guri-Anne Nilsen tlf. 
+47 48 18 37 07 - guri.anne.nilsen@samediggi.no
Eanet dieđud Sámedikki birra gávnnat min ruovttusiiddus samediggi.no.
 
Min birra
Sámedikki bargit barget dieđuid vuođul ja lea njunuš institušuvdna Sámis. Min bargiin lea alla gelbbolašvuohta iešguđet fágasurggiin ja áŋgiruššet Sámedikki mandáhttii, višuvdnii ja bargguide. Sámedikki bargin don sáhtát earret eará bargat politihkalaš mearrádusaid čuovvulemiiguin, joatkevaš buoridemiiguin ja hálddašan- ja áššemeannudanbargguiguin.
Sámedikki hálddahusa jođiha direktevra, dat lea juhkkojuvvon fágaossodagaide ja juhkosiidda, ja das leat sullii 150 jahkebarggu. Sámedikkis leat gáiddus bargosajit, gos bargit barget ossodagaid ja juhkosiid rastá. Parlameantavisti lea Kárášjogas, ja eará kántursajit leat Vuonnabađas Unjárggas, Guovdageainnus, Olmmáivákkis Gáivuonas, Romssas, Skániin Dielddanuoris, Ájluovttas Hábmeris, Aarbortes ja Snåases. Bargit sáhttet guossin bargat eará kántorsajiin. Dat ábuha dasa ahte bargit oahpásmuvvet Sámi iešguđet guovlluide, ja huksejit oktavuođaid ja bargobirrasa ossodagaid, juhkosiid ja kántorsajiid rastá.
 
Sámedikki višuvdna: Ovttas nannet Sámi
"Ovttas nannet Sámi" lea Sámedikki višuvdna bargiide bargguide. Sámedikki deháleamos bargu lea Sámedikki politihka ja hálddašeami bokte seailluhit sámi giela, kultuvrra ja servodateallima. Sámedikki višuvnnas leat vihtta vuođđoárvvu; sámi vuoigŋa, rabasvuohta, ovttasráđálašvuohta, searvadeapmi, luohtehahttivuohta ja oskkáldasvuohta.
Sámediggi bargá čuovvovaš mihtuiguin olahan dihte min višuvnna:• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

 Stillingsutlysning på norsk

Sametinget er et nasjonalt folkevalgt organ for samene i Norge. Sametinget arbeider gjennom politikk og forvaltning for at samene skal få sikret og utviklet sitt språk, kultur og samfunnsliv. Som medarbeider i Sametinget vil du ha rikelig med muligheter for å bringe Sametinget nærmere vår visjon Sammen styrker vi Sápmi.
 
Førstekonsulent - Rådgiver
Om stillingen
Sametinget har ledig stilling som førstekonsulent/rådgiver (HR-medarbeider) i Sametinget. Som HR-medarbeider blir du del av Sametingets seksjon for HR og digital transformasjon. Seksjonen har 10 medarbeidere inkludert leder, og har en kultur som bærer preg av god læringskultur og trygt arbeidsmiljø. Stillingen vil dreie seg mot HR-feltet hvor operative arbeidsoppgaver og lønnsarbeid vil være hovedtyngden av arbeidet. Vi søker nå etter deg som ivrer etter å drive utvikling innenfor HR, har høy grad av gjennomføringsevne og er løsningsorientert. Du må like å jobbe med mennesker samt se at våre medarbeidere er den mest verdifulle ressursen vi har for å oppnå våre strategiske mål og visjon.