Om stillinga

Bevaringstenestene har ledig ei heil fast stilling som gjenstandskonservator i vårt team beståande av metall-, gjenstands- og møbelkonservatorar. 

MUHO (Museumssenteret i Hordaland) er eit konsolidert museum med i alt fem avdelingar. Her arbeidar 56 dyktige medarbeidarar i faste stillingar, samt omlag 40 time- og sesongtilsette. 

Bevaringstenestene har ca. 14 årsverk fordelt på dyktige samlingsforvaltarar og konservatorar spesialisert innan førebyggjande og direkte konservering av gjenstander og tekstilar, i tillegg administrativt personale og drift.

Bevaringstenestene er i vekst, og saman med Vestland fylkeskommune skal vi bygge eit nytt Samlingssentrum med gode magasin, flotte konserveringsatelier og kontor. 

Den som vert tilsett vil primært arbeide innan våre oppdragsbaserte konserveringstenester for våre eksterne kundar, men skal òg arbeide i våre fellestenester der vi arbeider saman med tilsette i dei ulike musea i Vestland for å betre tilhøva til samlingane, enten det er på magasin, i utstilling eller historiske interiør.

Vi har medarbeidarar frå ei rekke ulike land, og arbeidsspråket er både norsk og engelsk. 

Oppmøtestad er Salhus (ca 20 km nord for Bergen sentrum), men den som vert tilsett må arbeide både ute i musea og hjå eksterne kundar ved behov. Det må påreknast ein del reiseverksemd.

Vi søkjer etter deg som er  motivert for å arbeide i eit spennande fagmiljø innan direkte og førebyggjande konservering som er i vekst og utvikling. 

Arbeidsoppgåver

Stillinga er primært knytt til tilstandsvurdering og konservering av kulturhistoriske gjenstandar. 

Andre aktuelle oppgåver er:  
• Tilstandsvurdering og konservering av kyrkjeinteriør
• Preventiv konservering som pakking, reingjering og tilstandsvurdering av gjenstandar for magasinering. 
• Utarbeide utlånsrapportar i samband med utstillingar, pakking av gjenstandar for transport og montering i utstillingar. 
• Reingjere historiske interiør (Housekeeping)
• Skrive rapportar i samband med rådgjeving, direkte konservering og kalkylar
• Det kan verte aktuelt å halde kurs og presentasjonar for tilsette ved andre museum og eksterne oppdragsgjeverar. 

Kvalifikasjonskrav

Vi søkjer etter konservator som: • har godkjent utdanning (master) innan konservering, samt relevant god praksis. Søkjarar må spesifisere kva gjenstandstypar dei beherskar og er spesialisert i å konservere. 
• snakkar nordisk språk og/eller engelsk munnleg og skriftleg. Vi har eit krav om at framand-språklege skal lære seg norsk innan to år. Det blir gitt norskopplæring. 
• meistrar alminnelege Office system, gjenstandsfotografering og grunnleggande fotoredigering. Erfaring med arbeid i database som til dømes Primus er ein fordel. 
• har god skriftleg og munnleg framstillingsevne. 
• har førarkort klasse B og er komfortabel sjåfør som taklar å køyre på norske vintervegar. 
• er komfortabel med å arbeide i høgda (stillas og stige).

Vi ser etter deg som:• Arbeidar raskt og nøyaktig
• Har gode praktiske ferdigheiter innan konservering
• Deler kunnskap og samarbeidar godt
• Kommuniserer godt med kundar og samarbeidspartnarar
• Liker å arbeide ute hos kunder enten det er i kyrkjer, andre museum eller hjå andre oppdragsgjeverar. 
• Er strukturert, held tidsfristar og disponerer tida godt
• Er open for endringar og nye oppgåver

Personlege eigenskapar vert vektlagde

Stillinga har krav om vandelsattest.

Vi tilbyr
• Ei spanande og utfordrande stilling i eit unikt museumsmiljø
• 100 % fast stilling
• Telefonordning
• Gode forsikrings- og pensjonsordningar
• Løn etter avtale/tariff: 550.000–630.000 NOK, avhengig av kvalifikasjonar
• Ein mangfaldig og inkluderande arbeidsplass
• Norskkurs for framandspråklege dei to første åra
• Dekking av visumsøknadskostnader ved behov