Vågå kommune jobbar aktivt for å oppfylle dei nasjonale måla i Opptrappingsplanen for psykisk helse (2023--2033). Vi skal bidra til at fleire opplever god psykisk helse og livskvalitet, og at innbyggjarane får lett og likeverdig tilgang til hjelp. Arbeidet vårt er forankra i tre hovudområde:
• helsefremjande og førebyggande psykisk helsearbeid
• gode og tilgjengelege tenester der folk bur
• styrkt tilbod til personar med langvarige og samansette behov

Vi legg stor vekt på brukarmedverknad, heilskaplege tenester og tverrfagleg samarbeid. Framover vil vi fortsette arbeidet med å utvikle det regionale samarbeidet innan rus og psykisk helse, og vi vil aktivt ta i bruk kunnskapsbaserte digitale verktøy i våre tilbod. Hos oss blir du ein del av eit fagmiljø som set meistring, livskvalitet og inkludering i sentrum.

Ein av våre dyktige medarbeidarar går av med pensjon til våren, og vi søkjer etter ein ny kollega i god tid for å sikre ei grundig innføring i stillinga. Vi er eit engasjert kollegium med variert bakgrunn og utdanning, som jobbar med menneske som har utfordringar knytt til rus, psykisk helse og/eller livsmeistring.

Arbeidsoppgåver:
• Heilskapleg oppfølging av pasientar med psykiske helseutfordringar og/eller rusutfordringar
• Kartlegging
• Behandling i tråd med oppgåvene til 1. linetenesta
• Utarbeiding og oppfølging av individuelle behandlingsplanar
• Tverrfagleg samarbeid med fastlege, heimeteneste, NAV og eksterne aktørar som t.d. DPS
• Rettleiing og støtte til pasientar og pårørande
• Deltaking i gruppetilbod som tur og trening, samt bidra i drift og utvikling av tenesta sitt dagsenter
• Deltaking og oppgåver knytt til kommunens psykososiale kriseteam

Kvalifikasjonar:
• Autorisasjon som sjukepleiar eller vernepleiar
• Vidareutdanning i rus og psykisk helsearbeid
• Erfaring frå arbeid med rus og psykisk helse er ein fordel
• Gode kommunikasjons- og samarbeidsevner
• Evne til å arbeide sjølvstendig og strukturert

Eigenskapar:

· Fagleg dyktig og engasjert

· Evne til å vise omsorg og bry deg om andre menneskjer

· Flink til å lytte og formidle kunnskap på en god og forståeleg måte

· Fleksibel, nytenkande og løysningsorientering

Personleg eignaheit vektleggast. Aktuelle kandidatar blir invitert til intervju.

Vi tilbyr:

· Eit spennande og meiningsfylt arbeid i eit triveleg miljø

· Stor grad av tverrfagleg samarbeid

· Gode rammer for fagleg utvikling og kompetanseheving

· Gode pensjons- og forsikringsordningar

· Løn etter gjeldande tariffavtale

Vågå kommune kan vera behjelpeleg med å skaffe bolig.

Søknadsfrist: 15.01.2026

Søknader vil bli fortløpande vurdert.

For nærare informasjon kontakt tenesteleiar Liv Olasveen tlf: 99028291/47627394 eller epost: liv.olasveen@vaga.kommune.no

Avdelingsleiar: Vera Testad Midtgard mobil 48897211eller epost: vera.midtgard@vaga.kommune.no